Qazaqstan Prezıdenti Qasym-Jomart Toqaev Bas prokýror Ǵızat Nurdáýletovti qabyldady dep habarlaıdy Qamshy.kz aqparat agenttigi Aqorda saıtyna silteme jasap.

Kezdesý barysynda Qasym-Jomart Toqaevqa qadaǵalaýshy organnyń bıylǵy birinshi jartyjyldyqtaǵy jumystarynyń nátıjeleri men aldaǵy kezeńge arnalǵan josparlary týraly málimet berildi.

Memleket basshysyna Bas prokýratýranyń quqyq qorǵaý organdarynyń qylmyspen kúreske jáne qoǵamdyq tártipti qamtamasyz etýge baǵyttalǵan úılestirý fýnksıasyn kúsheıtý jumystarynyń oryndalýy jóninde baıandaldy. Sondaı-aq, Ǵızat Nurdáýletov azamattardyń konstıtýsıalyq quqyqtaryn qorǵaý jónindegi sharalar týraly esep berdi. Qazaqstan Prezıdenti Bas prokýrorǵa Arys qalasyndaǵy jarylystarǵa qatysty qylmystyq isti tergeý barysynda ádildik pen zańdylyqty qamtamasyz etýdi jáne kináli tulǵalardyń bárin jaýapqa tartýdy tapsyrdy.

Qasym-Jomart Toqaev kúsh-jigerdi azamattardyń quqyǵyn qorǵaýǵa, sybaılas jemqorlyq pen kóleńkeli ekonomıkaǵa qarsy kúreske jumyldyrý qajettigin aıtty.