Japonıanyń Kıoto qalasynda bolǵan órtten 23 adam qaza taýyp, ondaǵan adam jaraqat aldy dep jazady Qamshy.kz aqparat agenttigi VVS saıtyna silteme jasaı otyryp.
Polısıa qyzmetkerleri 41-jastaǵy kúdiktini ustady. Oqıǵa bolǵan kúni ol ǵımaratta bolǵan. Alapat órt týdyrý úshin kúdikti stýdıa ishine janarmaı shashqan kórinedi.
Oqys oqıǵa qalaı boldy?
Beısenbi kúni, jergilikti ýaqyt boıynsha saǵat 10:30-da úsh qabatty ǵımaratta órt boldy. Qutqarý jumystary áli de jalǵasýda. Jergilikti BAQ-tyń aıtýynsha, polısıa qyzmetkerleri oqıǵa ornynda pyshaq taýyp alǵan.
Qazirgi tańda kúdiktiniń kompanıamen qandaı qarym-qatynasy bolýy múmkin ekeni anyqtalyp jatyr.
Pikir qaldyrý