Qujattar www.baqytty-otbasy.kz saıtynda qabyldanady. Operasıa elektrondyq sıfrlyq qoltańba arqyly júrgiziledi. «Nurly jer» baǵdarlamasy sheńberinde júrgizetin bul baǵytty «Qazaqstannyń Turǵyn úı qurylys jınaq banki" júzege asyrmaq.

Baǵdarlama boıynsha turǵyn úı kredıtin berýdiń sharttary tómendegideı:

• Qaryz somasy – 15 mln teńgege deıin;
• Bastapqy jarna – qaryz somasynyń 10%-y;
• Nesıeniń paıyzdyq mólsherlemesi – jyldyq 2%;
• Baǵdarlama qatysýshylary satyp alatyn turǵyn úıdi jańa úılerden de, eski úılerden de tańdaı alady;
• Kepildikti qamtamasyz etý – satyp alynatyn turǵyn úı nemese «QTQJB» AQ-nyń tıisti talaptaryna saı keletin ózge múlik.

Ótinish berýshi otbasynyń árbir múshesiniń tabysy aıyna 42 500 teńgeden aspaýy tıis. Sońǵy 6 aıda ortasha tabysynyń bolýy mindetti.

Tolyq emes otbasylarda nekeni buzý sátinen 3 jyl merzim ótýi tıis.