Shyǵys Qazaqstan oblysynda 1 maýsymnan beri 20 adam sýǵa ketken, dep habarlaıdy Qamshy.kz QazAqparatqa silteme jasap.

Óńirdiń tótenshe jaǵdaılar departamentiniń málimetinshe, keshe Óskemen qalasynda súńgýirler Ertis ózeninen 57 jastaǵy azamattyń denesin alyp shyqqan.

Mamandardyń aıtýynsha, qaıǵyly jaǵdaıdyń kóbi shomylýǵa arnalmaǵan, arnaıy jabdyqtalmaǵan toǵandarda bolǵan. Ekinshi úlken sebep – ishimdik bolsa, sońǵy kezde úrlemeli matrastar da qaýipti quralǵa aınalǵan.

«Buryn júzýge arnalǵan úrlemeli matrastar juqa ári yqsham bolsa, qazir olar óte qalyń bolyp keledi. Mundaı quraldar sý betinde jel turǵanda qaýipti bolyp ketedi. Aýdarylǵan adamnyń oǵan qaıtadan minýi qıyn. Tipti qutqarýshylardyń ózi sý betinde jel turǵan kezde matrasty yryqqa kóndirý qıyn ekenin aıtady», – deıdi departamenttiń baspasóz qyzmetiniń basshysy Anastasıa Sklár.

Departament ókili shomylý maýsymy bastalǵannan beri shyǵysqazaqstandyq qutqarýshylar 11 adamdy ajaldan arashalap qalǵanyn aıtady.