Aǵaıyn, osy sýretterde Allaǵa, Paıǵambarǵa degen mahabbattyń, madaqtyń eshbir nyshany joq, jylyna bir aınalyp soǵatyn Uly orazany ustaǵanyna mindetsigen, sony jarty álemge jar salyp jetkizgisi keletin, sol úshin ózgeden madaq, maqtaý kútetin beısharalyqtyń, topastyqtyń qarabaıyr belgisi ǵana bar. Aǵaıyn, mynaý Allaǵa quldyq, minájat emes, ǵazız júrekterińdi meńdegen ataqqumarlyqtyń, narsısızmniń syrqaty. Dál osy otyrǵanda sender keshirim men aqiret týraly oılap otyrǵan joqsyńdar, erteń Feısbýkke shyǵatyn sýretteriń men oǵan qansha laık basylatyny týraly ǵana oılap otyrsyńdar. Aǵaıyn, on bir aıdy kim, qalaı súretini óz erkinde ǵoı. Osy bir ulyq aıdy kúnáhar oı-qylyqtarymyzdyń qoljaýlyǵyna aınaldyrmaı, daraqylanbaı, dańǵoılyqqa salynbaı, ımanı júz, kórkem minezben, saf taza kúıinde ótkizeıik te.

Bul tipti múmkin bolmasa, tym qurysa, sýrettiń astyna «Keshe halqymyzdyń kúmiskómeı ánshisi, qamqorshy aǵamyz Pálenbaı aýyzashar berip, onda til janashyry, belsendi depýtat aǵamyz Túgenbaı aǵamyz tilge, oralmandarǵa qatysty oılaryn ashyq jaıyp saldy. Kóz ben kókiregimiz ashylǵandaı boldy!» nemese «Keshe belgili jýrnalıs, aqyn Pálenshe degen aǵamyz bergen aýyzasharda qoǵam qaıratkeri, ultjandy azamat Túgenshe degen aǵamyz ana bir máselege qatysty myna bir pikirin bildirip, osyndaı taǵylymdy áńgime aıtty. Respekt!» dep, birdeńe jazyp qoıyńdarshy...

Talǵat Eshenuly, Facebook paraqshasynan