Prezıdent Qasym-Jomart Toqaev tanymal qazaqstandyq rep-oryndaýshy Skrıptonıttiń týyndylaryn birneshe ret tyńdaǵanyn aıtty dep habarlaıdy Qamshy.kz aqparat agenttigi.

Memleket basshysynyń Skrıptonıt týraly pikirin reseılik jýrnalıs Alekseı Pıvovarov Prezıdentpen suhbaty barysynda surady. Suhbat "31 arnada" kórsetilgen. 

"Ony birneshe ret tyńdadym, biraq ánine tereń boılap, ony túsinip kettim dep aıta almaımyn. Biraq bul baǵytta bir nárse isteýge ýáde beremin", - dedi Toqaev.

Sondaı-aq, Prezıdent Dımash Qudaıbergenniń tabysy týraly da oıyn aıtty.  "Qytaı halqyn, endi Reseıdi tańǵaldyrǵan Dımashpen maqtanamyz, ol Kreml saraıynda birneshe ret konsert berdi. Anshlag, tolyq anshlag", - dedi Memleket basshysy. 

Ádil "Skrıptonıt" Jálelov - tanymal qazaqstandyq rep-oryndaýshy, mýzykant. Ol 1990 jyly Pavlodar oblysynda dúnıege kelgen. Skrıptonıt birneshe jyl boıy reseılik tanymal reper Bastamen birge Gazgolder leıblinde bolǵan. Qazir jeke shyǵarmashylyǵymen qatar, Gruppa Skryptonite jobasyn qolǵa alǵan.