Atyraýda Ózbekstan azamattary egin basynda jáne qurylysta zańsyz eńbek etken dep jazady Qamshy.kz aqparat agenttigi. 

Kóshin –qon qyzmeti anyqtaǵandyndaı 15 er azamat qala syrtyndaǵy alyp qurylystardyń birinde zańsyz jumys jasaǵan. Qurylysshylar 3 qatarly jataqhana salyp jatqan kórinedi. Olardyń barlyǵyna QR ÁQbtK 517 baby 5 b. hattamalar toltyrylyp, sotqa joldandy. Sonymen qatar, shet eldikterdi zańsyz jumysqa tartqan Atyraý turǵynyna qatysty ákimshilik shara qoldanylyp, 126 myń teńge kóleminde aıyppul salyndy.

Ózbek azamattar egis alqaptarynda da jumys jasaǵan. Atyraý selolyq okrýgindegi sharýa qojalyqtarynyń birinde 10 azamat anyqtaldy. Olar el aýmaǵyna kirý zańdylyǵyn buzǵanymen qoımaı, ruqsat etilmegen qyzmetpen aınalysyp, nápaqa tapqan.

Jalpy 16-19 shilde aralyǵynda ótken «Zańsyz kelýshi» jedel aldyn alý sharasy barysynda tıisinshe qujattaryn kórsete almaǵan 34 shet eldik qabyldap bólý ortalyǵyna jetkizilse, 14 ózge el azamaty Qazaqstannan sot úkimimen shyǵarylǵan.

Zańda shet eldikterdi qyzmetke tartý kórsetilgenin bile tura, arzan eńbek kúshine qyzyqqan 43 Qazaqstan azamatary endi qomaqty aıyppul óteýge májbúr.