Atyraý oblysynyń ákimi Nurlan Noǵaev «Atyraý» áleýmettik-kásipkerlik korporasıasynyń dırektorlar keńesiniń otyrysyna qatysty. Bul turaly Atyraý oblysynyń Óńirlik komýnıkasıalar qyzmeti habarlaıdy dep jazady Qamshy.kz aqparat agenttigi.

Dırektorlar keńesinde 2018 jyly jáne 2019 jyldyń alǵashqy jarty jyldyǵynda jasalǵan jumystar men aldaǵy atqarylatyn josparlar týraly aıtyldy.

«Atyraý» ÁKK tóraǵasy Marat Túsipqalıevtyń aıtýynsha ótken jyly «Atyraý» áleýmettik-kásipkerlik korporasıasynyń qoldaýymen birqatar jobalar júzege asyryldy. Onyń ishinde Atyraý qalasyna jańa qoǵamdyq kólikter alyndy. Sonymen qatar, Nursaıa yqsham aýdanyndaǵy medısına qyzmetkerlerine arnalǵan kóp qabatty turǵyn úıdiń qurylys jumystary aıaqtalǵan. Sondaı-aq, turaqtandyrý qorynyń jumysyda júıelengen.

Kezdesý barysynda endi jasalatyn ınvestısıalyq jobalar týraly da sóz qozǵaldy. Onyń ishinde kúni búginde «100 saýda orny» baǵdarlamasy boıynsha óńirde jumystar júrgizilip, kásipkerlerge tyń serpin berilýde. Osy joba boıynsha aımaqta saýda jasaıtyn dúńgirshikter ashylatyn bolady.

Jıyn barysynda oblys ákimi Nurlan Noǵaevqa ınvestorlardyń qarjysyna salynatyn ǵımarattar, saýda ortalyqtar men turǵyn úılerdiń jobalary usynyldy.

- Qazirgi tańda birtalaı jumystar jasalyp jatyr. Degenmen ınvestorlarǵa nesıe retinde berilgen qarajat ýaqyty kelgen kezde, qaıtarylýy tıis. Úkimet qaıtarymsyz qarajat bóle almaıdy. Sondyqtan jobalaryńyzdy alyp kelińizder, usynyńyzdar. Egerde eldiń damýyna, turǵyndardyń qajettiligine jaraıtyn bolsa, bizder árqashan qoldaýǵa daıynbyz,- deıdi aımaq basshysy Nurlan Noǵaev.