22-shildede munaıly astananyń ortalyǵynda stasıonarly polısıa beketiniń saltanatty ashylýy ótti dep jazady Qamshy.kz aqparat agenttigi  Atyraý oblysynyń Óńirlik komýnıkasıalar qyzmetine silteme jasap.

Oblys ákiminiń birinshi orynbasary Serik Shapkenov bul beketter arqyly polısıa ýchaskelik ınspektorlary táýlik boıyna ózderine bekitilgen aýmaqtarda halyqpen tyǵyz qarym-qatynasta bolyp, polısıanyń halyqqa qajet jaǵdaıda dereý kómekke kelýine, quqyqbuzýshylyqtardyń barlyq túrine dereý áreket etýge jol ashady degen senimin bildirdi.

"Kez kelgen aımaqtyń damý deńgeıi onyń qoǵamdyq tártibiniń turaqtylyǵymen jáne azamattardyń quqyǵyn qamtamasyz etýimen anyqtalady. Jergilikti ákimdik tarapynan bul baǵyttaǵy el Prezıdentiniń tapsyrmasy tolyqtaı oryndalyp jatqandyǵyn jáne organdardyń mártebesin arttyrý baǵytynda biraz sharýa atqarylýda. Búgingi kórsetilgen qoldaý olardyń halyq aldyndaǵy mindetterin esh kedergisiz, adal oryndaýlaryna oń áserin tıgizedi degen senimdemin",- deıdi Serik Shapkenov.

Oblys prokýrory Halıdýlla Dáýeshovtyń aıtýynsha, joba aıasynda osyndaı stasıonarly polısıa beketteri ashyq, halyqqa kórinetin jáne yńǵaıly oryndarda, erkin túrde kirýge múmkindik beretin, halyq pen polısıa qyzmetkerleriniń qaýipsizdik talaptaryna saı jerlerde ornatylatyn bolady.

"Joba jergilikti atqarýshy jáne prokýratýra organdarymen birlesip ázirlengen. Beket qylmystylyq kartasymen, zamanǵa saı jabdyqtarmen, kompútermen jáne QR İİM-niń arnaıy bazasymen qamtamasyz etiledi. Bolashaqta osy beketterdiń táýlik boıyna jumys jasaýy qylmystylyqty tejeıtin faktorlardyń biri bolmaq, kez kelgen quqyq buzýshylyqqa jedel áreket etip, oblys ortalyǵyndaǵy qoǵamdyq tártipti saqtaýdy qamtamasyz etedi",- deıdi Atyraý qalaasynyń prokýrory Arshat Taıtýllın.