Atyraý polısıasy jábirlenýshilerdi áleýmettik jeliler arqyly izdeýde. Atyraýlyq polıseıler 35 jastaǵy qala turǵynyn ustady. Odan urlyq jolymen tabylǵan 30-dan astam altyn buıymdar men ózge de múlikterdi tárkiledi.

Tártip saqshylary tárkilengen buıymdardyń ıelerin izdestirý úshin áleýmettik jelilerdiń múmkindigin paıdalanýda. Jarıalanǵan fotosýrettiń ishinen Óz múlikterińizdi tanyǵan jaǵdaıda «102» operatoryna jáne 983302, 983399 telefondaryna habrlasýlaryńyz suralady. Tárkilengen zattardyń ishinde ártúrli nomınalda jasalǵan arnaıy
monetalar, oıyn prıstavkalary, tipti qurylys qural-saımandary da bar.

Polısıa departamentiniń baspasóz qyzmeti habarlaǵanyndaı, jyl basynan beri №2 qalalyq polısıa bóliminiń aýmaǵynda 123 urlyq faktisi ashylǵan. Barlyq tirkelgen faktilerdiń ishinde qaıtalanyp jasalǵan nemese asa iri kólemdegi shyǵyn keltirilgeni úshin 31 fakti urlyq qylmysynyń aýyr túrine jatady. Atalǵan urlyq túriniń ashylýy 96,4 paıyzdy qurap otyr. Bótenniń múlkin urlaýdyń eń kóp taraǵan ádisi plasıkalyq terezelerli yǵystyrý arqyly jasalǵan.