Burynǵy Bilim jáne ǵylym vıse-mınıstri Elmıra Sýhanberdıevanyń kenje uly qaıtys boldy, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

"Dostar, jazýdyń ózi qıyn, biraq Elmıra Amangeldiqyzy Sýhanberdıevanyń súıikti ári kenje uly İlıas qaıtys boldy... Bir ózi qanshama synnan ótip jatyr. Ómirdegi eń jamany jaqyndaryńdy joǵaltý, al ol óz balalaryń bolsa, ony qabyldaý tipten múmkin emes... Imandy bolsyn, kishkentaı perishte... Mundaı jaǵdaı bolmas úshin, barlyǵymyz bir-birimizge qarap, adamdy qýdalap, túrli aıla-amaldardy jasaýdyń qajeti joq", - dep jazdy Bilim jáne ǵylym vıse-mınıstriniń burynǵy keńesshisi Maırash Taıken Facebook jelisindegi paraqshasynda.

"Chattan kórdim. Onda barlyǵy kóńil aıtyp jatyr. Bul jaǵdaıdyń mán-jaıyn bilmeımin, Elmıra Amangeldiqyzynyń kómekshisine, ápkesine habarlasyp jatyrmyn, biraq telefondy eshkim almaı jatyr. Maǵan burynǵy vıse-mınıstr habarlasyp, osy habardy chattan saǵat túngi 11-de oqyǵanyn aıtty. Ol kezde meniń telefonym sóndirýli bolatyn, jańa ǵana kórdim. (...) Eń súıikti uly edi", -dedi kózine jas alyp Maırash Taıkenova.

Onyń aıtýynsha, Sýhanberdıevanyń uly eshqandaı aýrýmen aýyrmaǵan.