Árbir memleket óz azamattaryn qorǵaýy, olardyń qomqorshysy bolýy shart. Bul onyń konsıtýsıalyq mindeti. Qazaqtyń san ǵasyrlyq tarıhynda "ár qazaǵym jalǵyzym" degen uǵym da ómirlik negizgi qaǵıdattardyń biri bolǵan. Alaıda búginde osy ıgi ustanym umyt bolǵanynyń kezekti kórinisi - bizdiń azamatty ózbek shekarashylarynyń atyp ketýi. Árıne, kórshi elmen dostyq qatynastaryn saqtaý kerek, biraq bir emes, eki emes osyndaı qastandyqtardy jaýapsyz qaldyra bersek kim bolǵanymyz? Izraıl degen shaǵyn ǵana memleket bar arabtardyń qaq ortasynda otyrǵan. 2006 jyly Shalıt Gılat atty jalǵyz ǵana jaýyngeri palestınalyqtardyń qolyna túskende búkil memlkeket óre túregeldi. Izraıl úkimeti osydan Shalıttiń basynan bir tal shash tússe, aspandy tóbelerińe túsiremiz dep eskertti. Artynan tipti ashyq ashyq soǵys áreketterine bardy, áıteýir sarbazyn qaıtardy. Bálkim, tym qatqyl shara da shyǵar. Alaıda nátıjesinde Izraıl azamatyna qol kótermesten buryn kimde-kim on ret oılanatyny haq. Al osyndaı halqy men bıligi bar ár azamat óz jeri men eli úshin aıanbaı kúresetini taǵy da shúbá týdarmas.