Sibirdegi orman órti ósher emes. Qaıta jalyn sharpyǵan aýmaqtar ulǵaıyp barady. Alapat órttiń tútini elimizdiń Soltústik jáne Shyǵys Qazaqstan, Pavlodar, Aqmola, Qostanaı, Qaraǵandy, Almaty oblystary men Nur-Sultan qalasyna deıin jetti dep habarlaıdy Qamshy.kz aqparat agenttigi Zakon.kz saıtyna silteme jasap.

Saldarynan aýa aıtarlyqtaı lastanǵan. Atalǵan óńirlerde ońtústik-shyǵys baǵyttan sekýndyna 6 metrge jetetin baıaý jel soǵyp tur. Reseıdiń Iakýtıa, Krasnoıar ólkesi jáne Irkýtsk oblysyndaǵy úsh mıllıon gektar jerdi órt shalǵanyn habarlaǵan. Jalynnyń baǵyty endi eldi-mekenderge qaraı aýysyp jatyr eken. Sibirdiń barlyq aýmaǵyn bir aptadan beri qoıý tútin basqan.

Reseı bıligi órtten eshqandaı qaýip joqtyǵyn aıtyp, orman órtin sóndirýdiń ekonomıkalyq turǵydan tıimsiz ári tehnıkalyq jaǵynan kúrdeli ekenin alǵa tartyp otyr.