Memlekettegi qylmystyq ister men jol-kólik oqıǵalaryn baqylaýda qstap olardyń sanynyń azaıýyna óz septigin tıgizetin birinishi kezekte polısıa qyzmetkerleri. Sondyqtan, atalǵan sala qyzmetkerlerin arnaıy qurylǵylarmen, qyzmettik kóliktermen qamtamasyz etken abzal. Bul – birinshi kezekte qylmys sanynyń kemýine óz septigin tıgizedi.

Osy turǵyda Jambyl oblysynyń ákimdigi árdaıym durys baǵytta jumys jasap júr. Máselen, Taraz qalasynyń ortalyq «Dostyq» alańynda Jambyl oblystyq polısıa departamentiniń aýdandyq ýchaskelik ınspektorlaryna 131 sý jańa qyzmettik avtokóliktiń kilti saltanatty túrde berildi.  

Atalaǵa saltanatty sharaǵa Jambyl oblysy ákiminiń orynbasary Nurjan Kalenderov qatysyp, polısıa ókilderine sý jańa qyzmettik kólikterdiń kiltin óz qolymen tabystady.

Óz kezeginde sý jańa qyzmettik kólikterge ıe bolǵan polısıa qyzmetkerleri Qazaqstan Respýblıkasyna adal qyzmet etýge ant berdi.

«Jergilikti atqarýshy organ tarapynan qoǵamdyq tártipti saqtaýǵa bólinetin qarjy kólemi jyldan jylǵa ulǵaıyp keledi jáne ol oń nátıjesin berip jatyr. Máselen, bizdiń oblysta bıyl tirkelgen qylmys sany 9,2 paıyzǵa tómendedi. Degenmen, jol-kólik oqıǵalarynyń 10 paıyzǵa ósýi bizdi qatty alańdatady. Osy turǵyda polısıa qyzmetkerlerin materıaldyq-tehnıkalyq jabdyqtaý - qylmystyń sanyn azaıtýǵa, jol-kólik oqıǵalaryn shekteýge óz septigin tıgizedi dep oılaımyz»,- dedi oblys ákiminiń orynbasary Nurjan Sábıtuly kiltti tabystaý barysynda.

Oblys ákimdiginiń málimetinshe, sońǵy úsh jylda jergilikti búdjetten oblystyq polısıa departamentin qarjylandyrýǵa 19 mıllıard teńge qarajat bólinse, bıyl oblystyq búdjetten bólingen qarajat kólemi - 9,2 mıllıard teńgeni quraǵan. Sonymen qatar, aǵymdaǵy jyly oblystyq polısıa departamentin materıaldyq-tehnıkalyq jabdyqtaý, onyń ishinde avtokólik quraldaryn satyp alý úshin oblystyq búdjetten 486 mıllıon teńge qarastyrylǵan.

«Jkergilikti atqarýshy organ paıdalanýǵa bergen sý jańa 131 qyzmettik avtokóliktiń 115-i - «Nıva», al qalǵan 16-sy – «ÝAZ» markaly kólikter. Osy berilgen kólikter esebinen oblystaǵy 10 aýdannyń jeteýiniń qajettiligi tolyǵymen ótelmek. Jospar sáıkes, keler jyly oblys boıynsha polısıanyń barlyq qajettiligi qamtamasyz etiledi»,-deıdi oblystyq polısıa departamentiniń basshysy Arman Orazalıev.