1 tamyzda bilim granty ıegerleriniń esimderi belgili boldy dep habarlaıdy Qamshy.kz aqparat agenttigi QR Bilim jáne ǵylym mınıstrliginiń habarlamasyna silteme jasap.

Tizimniń tolyq nusqasyn myna jerden qaraýǵa bolady:

2019 jylǵy orys tilindegi granttar tizimi

2019 jylǵy qazaq tilindegi granttar tizimi

Sondaı-aq bilim grantynyń ıegerleri Egemen.kz, Kazpravda.kz saıttary men @testcenterBot - Telegram-botynda jarıalanǵan. 

Memlekettik bilim grantyn taǵaıyndaý boıynsha respýblıkalyq baıqaý komısıasy óz jumysyn aıaqtady. Respýblıkalyq komısıanyń quramyna memlekettik organdar, Ulttyq kásipkerler palatasy, Joǵary oqý oryndary qaýymdastyǵy, qoǵamdyq birlestikter, QR BǴM Bilim jáne ǵylym, balalardyń quqyqtaryn qorǵaý máseleleri jónindegi qoǵamdyq keńesiniń, pedagogıkalyq qaýymdastyqtyń ókilderi kirdi. Bilim jáne ǵylym mınıstrliginiń aqparaty boıynsha, bıyl bilim granttary bilim baǵdarlamasynyń toptary boıynsha berilgen.

Joǵary oqý ornyna túser kezinde túlek aldaǵy bilimi úshin naqty bilim baǵdarlamasyn tańdaıdy.  2019-2020 oqý jylyna 53 785 grant berilgen.  Memlekettik tapsyrystyń 47 paıyzdan kóbi ınjener, óńdeý jáne qurylys salalary men IT-tehnologıaǵa qarastyrylǵan. 8276 grant - pedagogıka ǵylymyna, 4088 - grant jaratylystaný ǵylymy matematıka men statısıkaǵa, 2200 grant - qyzmet kórsetý mamandyqtaryna, 1615 grant - óner men gýmanıtarlyq ǵylymdarǵa, 2435 grant - aýyl sharýashylyǵy men veterınarıaǵa, 2183 grant áleýmettik ǵylym, bıznes pen ekonomıkaǵa berildi