Pavlodar oblysyndaǵy Maraldy kólinde ınvestordy soqqyǵa jyqty dep aıyptalǵan kúdikti jaǵdaıdy óz nusqasynda aıtyp berdi dep jazady Qamshy.kz aqparat agenttigi.

Aıta keteıik, oqıǵa Sharbaqty aýdanynyń turǵyndary jınalǵan kezde bolǵan. Kezdesýge ákim men aýdan prokýrory da qatysypty. Turǵyndar sol mezette ınvestordy jáne eki ormanshyny sabap tastaǵan. Atalǵan fakti boıynsha polısıa úsh qylmystyq is qozǵaǵan.

"Investorǵa dene jaraqatyn saldy" degen aıyp taǵylǵan kúdikti Erlan Ańdamasovtyń aıtýynsha, ol eshkimdi urmaǵan. Sondaı-aq, onyń bul sózderin dáleldeıtin vıdeolar da bar kórinedi.

• «Ózim de túsinbeımin. Qolym bútin. Denemde eshqandaı syzat joq. Men bul nárseni isteı almas edim. Biz atalǵan isti Sharbakty aýdanynyń ishki ister bóliminde tekserýin talap etemiz. İsti oblysqa jibergenin qalamaımyz», - dedi Jylybulaq aýylynyń turǵyny Erlan Ańdamasov.

Aýdan turǵyndary Maraldy kólin jalǵa alǵan kisilerdiń jumysyna kóńilderi tolmaıtynyn málimdedi. Turǵyndardyń aıtýynsha, jalǵa alýshylar úsh jyl buryn bergen ýádelerin áli kúnge oryndamaı keledi. Úsh jyl buryn jalǵa alýshy tarap jergilikti turǵyndardyń kýrorttyq aımaqqa erkin kirip-shyǵatynyn, jumyspen qamtıtynyn aıtqan eken.

• «Olar basynan bastap jergilikti halyqpen sanasýy kerek edi. Qurt, qymyz satýymyzǵa usynys jasaýy tıis edi. Biz onsyzda baramyz ol jaqqa. Biraq kirý úshin myń teńge suraıdy. Al eń basynda áńgime basqa edi. Bizge satyńdar, aqsha tabyńdar, kirińder degen», - deıdi jergilikti turǵyn Nurjan Mataev.

Sonymen qatar, jergilikti turǵyndardyń áńgimesine sensek, ınvestorlar taza kóldi lastap jatyr-mys.

• «Kóp aqsha bólinedi ǵoı. Eshqandar sanıtarlyq tazalyq joq. Mine, ólgen jylqynyń denesi osy jerde jatqanyna eki jyl boldy. Mine, bizdiń kólimizdiń jaǵdaıy – osy», - deıdi Jylybulaq aýylynyń turǵyny Dáýlet Aımahanov.