2019 jyly Qurban aıt merekesi tamyz aıynyń 11-i kúni bastalady dep habarlaıdy Qamshy.kz aqparat agenttigi Qazaqstan musylmandary dinı basqarmasynyń resmı saıtyna silteme jasap.

Astronomıalyq turǵydan Aıdyń týýy beısenbi kúnine, ıaǵnı 1 tamyzǵa sáıkes keledi. Al, 2 tamyz zýlhıdja aıynyń birinshi kúni bolyp sanalady.

Arapa kúni 10 tamyzǵa sáıkes keledi. Arapa – qajylar Arafa jotasynda qulshylyq etetin kún.

Qajylyqqa barmaǵan musylmandar úshin arapa kúni aýyz bekitý – mustahap (jaǵymdy) amal. Ábý Qatadan jetken hadıste: «Arapa kúniniń orazasy ótken jáne keler jyldardyń kúnálaryna káfárat (keshirim) bolady...» delingen.

Jaǵdaıy bar musylmannyń qurban shalýy – ýájip (mindet). Qurbandyqqa túıe, sıyr jáne qoı (eshki de) shalynady. Qurbandyq maly aıt namazynan keıin aıttyń úshinshi kúni kún batqanǵa deıin shalynady.

Qurbandyq etin úshke bólip taratýǵa bolady. Bir bóligi ózine qalady, ekinshi bóligi aǵaıyn-týys, kórshilerge beriledi, úshinshi bóligi kómekke muqtaj kisilerge taratylady.