Tergeý komıteti Tatarstan azamaty Idırıs Sadykovtyń aryzy boıynsha qylmystyq is qozǵap, tergep-tekserý amaldaryn júrgizýdi bastap ketti dep jazady Qamshy.kz aqparat agenttigi.

Jábirlenýshiniń aıtýynsha, reseılik aǵaıyndy polısıa qyzmetkerleri ony kúshtep alyp ketken. Sodan keıin Aksýbaevskıı aýdanyna alyp baryp, úı sharýashylyǵyna jumsaǵan. Sadykov dárethana tazalaýdan bas tartqan soń onyń qol-aıaǵyn baılap tastaǵan. 

Idırıstyń ápkesi baýyrynyń joǵalyp ketkenin baıqaǵan soń ǵana polısıaǵa aryz túsirgen. Shaǵym túsken ýaqytta aǵaıyndy polısıa qyzmetkerleri Sadykovty quldyqtan bosatypty-mys.

Eger aǵaıyndy shendilerdiń shekten shyqqan áreketi dáleldense, Reseı Federasıasynyń QK 126-babyna sáıkes 12 jyl bas bostandyǵynan aıyrylmaq.