5 shilde kúni memleket basshysy Qasym-Jomart Toqaev Almaty qalasynyń ákimi Baqytjan Saǵyntaevty qabyldady, dep jazady Qamshy.kz aqparat agenttigi.

Kezdesýde Almatynyń áleýmettik-ekonomıkalyq damýy, úkimettiń keńeıtilgen otyrysynyń qorytyndysy boıynsha berilgen tapsyrmalardyń oryndalý barysy týraly málimet berildi.

Qazaqstan Prezıdenti qala ınfraqurylymynyń sapasyn arttyrý, qoǵamdyq qaýipsizdikti nyǵaıtý, kólik júıesin, medısına jáne bilim salalaryn damytý, sondaı-aq, «halyqtyń únine qulaq asatyn memleket» tujyrymdamasyn belsendi túrde júzege asyrý asa mańyzdy ekenin atap ótti.

Sońynda Qasym-Jomart Toqaev aldaǵy oqý jylyna daıyndyq, turǵyndarǵa sapaly medısınalyq kómek kórsetý jáne shaharda qordalanǵan ózekti máselelerdi sheshý jóninde birqatar naqty tapsyrma berdi.