Túrkistan qalasyndaǵy «Balaýsa» jazǵy saýyqtyrý demalys lageri óz jumysyn bastaǵan bolatyn. Kıeli óńir búldirshinderiniń kóńil qýanyshyn eseleı túsetin qyzyqty sáttiń alǵashqy kúninde qala ákimi Á.Óserbaev lagerge arnaıy baryp, balalardyń jazǵy demalysynyń sátti ótýine tilektestik bildirip qaıtqan bolatyn. Jazy jaıly kókmaısa, Qarataý etegindegi bulaqtan bastaý alatyn nýly ózendi qorshaı ornalasqan «Balaýsa» lageriniń tabıǵaty kez kelgen jandy tamsandyrmaı qoımaıdy. Qazir munda 150 bala demalýda. Án salyp, bı bılep, túrli saıystarǵa qatysyp belsenip júrgen baldyrǵandardyń kóz janarynan shattyq baıqalady. Osyndaı tabıǵaty erekshe oryndy kútip ustaýǵa, qajetti qural-jabdyqtardy jańartýǵa jáne beınebaqylaý kameralaryn ornatý úshin jergilikti búdjetten qarjy qaralyp, maýsym basynda biraz jumystar atqaryldy. Qazir balalardyń demalysyn qyzyqty etip ótkizýge tıisti jaǵdaılar tolyqtaı qarastyrylǵan munda. Lagerde jaz boıyna 900 bala demalatyn bolsa, sonyń ishinde qala ákimdiginiń qoldaýymen áleýmettik az qamtylǵan otbasydan shyqqan 160 balaǵa tegin joldama berilgen. Sonymen birge,

5 myńnan (5250) astam túrkistandyq oqýshy mektep janyndaǵy saýyqtyrý alańdaryna jiberilip otyr.