Toqtala ketetin jaıt, Shymkentte aq halatty abzal jandardyń kásibı merekesine arnalǵan jıynda «Salamatty Qazaqstan» memlekettik baǵdarlamasy aıasynda atqarylǵan sharýalar men «Dıplommen aýylǵa» baǵdarlamasynyń nátıjesi týraly da keńinen baıandalǵan bolatyn. «Elbasynyń «Qazaqstan-2050» Strategıasynda adam ómiri men densaýlyǵy basym baǵyttardyń biri retinde qarastyrylyp otyrǵany belgili. Sońǵy úsh jylda 184 medısına mekemesi salynyp, mamandar tapshylyǵy úsh esege azaıdy. Ońtústik Koreıa, Reseı, Izraıl memleketteriniń medısınalyq ortalyqtarymen tájirıbe almasý jaqsaryp keledi. Jıynda úzdik dárigerler men medbıkelerge Densaýlyq saqtaý mınıstrliginiń, jergilikti ákimdikterdiń tósbelgileri men Qurmet gramotalary tabystaldy», - delingen baspasóz baıanynda.

OQO Densaýlyq saqtaý basqarmasynyń bastyǵy Jumaǵalı Ismaıylovtyń aıtýynsha, bıyl óńirler arasynda alǵashqy ret Shymkenttegi jedel járdem aýrýhanasynda transplantologıa salasyndaǵy operasıalar bastalady. 2015 jyly OQO turǵyndarynyń ómir súrý uzaqtyǵyn 70 jasqa jetkizý kózdelip otyr. 2012 jyldyń nátıjesi boıynsha, kórsetkish ortasha respýblıkalyq kórsetkishten joǵary bolyp, 69,9 jasty qurady.