İshki ister mınıstrligi múddeli memlekettik, úkimettik emes uıymdardyń jáne buqaralyq aqparat quraldarynyń qatysýymen aǵymdaǵy jyldyń 25 qarashasynan bastap 10 jeltoqsan aralyǵynda «Úıdegi tynyshtyqtan Jer betindegi beıbitshilikke - áıelderge qatysty zorlyq-zombylyqty toqtataıyq!» uranymen «Áıelderge qatysty zorlyq-zombylyqsyz 16 kún» aksıasyn júrgizdi. Aksıanyń negizgi maqsaty kópshilik halyqty áıelderge qatysty zorlyq-zombylyqty eskertý, aldyn alý, áıelderge qatysty zorlyq-zombylyq jasaýǵa beıim adamdarmen jeke-profılaktıkalyq jumysty júzege asyrýǵa baǵyttalǵan júıeni qalyptastyrý boıynsha qabyldanyp jatqan sharalarmen tanystyrý, sondaı-aq BUU Qaýipsizdik Keńesiniń №1325 Qararynyń halyqaralyq qujattaryn zerdeleý bolyp tabylady. Aksıany júrgizýge 25 myńnan astam adam, onyń ishinde 17 myń polısıa qyzmetkeri, 900 astam jergilikti atqarýshy, bilim berý organdarynyń, oblystardyń ákimdikteri janyndaǵy áıelder isteri jáne otbasy-demografıalyq saıasaty jónindegi komısıanyń ókilderi, úkimettik emes uıymdardyń, óńirlik buqaralyq aqparat quraldarynyń ókilderi, sondaı-aq volonterler, JPIK ókilderi men konserjiler tartyldy. Áıelderge qatysty zorlyq-zombylyqty eskertý, jolyn kesý, áıelderge qatysty zorlyq-zombylyq jasaýǵa beıimdi adamdarmen jeke-profılaktıkalyq jumysty júzege asyrýǵa baǵyttalǵan júıeni qalyptastyrý, sondaı-aq áıelderdiń ózderiniń quqyqtyq bilimin arttyrý boıynsha qabyldanyp jatqan sharalar týraly halyqtyń buqara tobyn tanystyrý úshin (býkletter, jadynamalar, bıılbordtar, jáne plakattar) aqparattyq materıaldarynyń 174 myńnan astamy ázirlenip, 7 myńnan astam is-sharalar, onyń ishinde oqý oryndarynda, uıymdar men basqa da mekemelerde  taratyldy. Polısıa qyzmetkerleri 18 myń eseptegi adamdardy tekserdi. Aksıa sheńberinde 48 myńnan astam ákimshilik ýchaskelerdi aralaý júzege asyryldy, halyqqa 142 myńnan astam búktemeler men «Turmystyq zorlyq-zombylyqtyń aldyn alý týraly» Qazaqstan Respýblıkasynyń Zańyn jáne Ákimshilik kodekstiń baptarynyń túsindirme jadynamalary taratyldy. QR İİM Ákimshilik polısıa komıteti