Ońtústik Qazaqstan oblysy ákiminiń birinshi orynbasary Berik Ospanov Qazyǵurt pen Tóle bı aýdandarynda bolyp, salynyp jatqan áleýmettik nysan qurylystarymen tanysty, dep habarlaıdy  OQO ákiminiń baspasóz qyzmeti. Saparyn Qazyǵurt aýdanynan bastaǵan B.Ospanov Altyntóbe, Qarabaý, Turbat eldi mekenderindegi 300 oryndyq mektep qurylystary men Qyzylqıa aýylyndaǵy apatty mekteppen, sondaı-aq aýdandaǵy gaz, aýyz sý júıelerin jóndeý jumystarynyń barysymen tanysty. Búgingi tańda Qazyǵurt aýdanyndaǵy 64 eldi mekenniń 70 paıyzy aýyzsýmen qamtylǵan. Aýdandaǵy 11 aýylda qazir aýyzsý kestemen berilse, qalǵan 30-ǵa jýyq eldi meken turǵyndary 24 saǵat taza aýyzsýdy paıdalanyp otyr. Tóle bı aýdanyndaǵy Beınetkesh, Áńgir ata, Qazyǵurt eldi mekenderindegi mektepter men aýdan ortalyǵyndaǵy 280 oryndyq balabaqsha qurylysymen tanysqan B.Ospanov merdiger uıymdarǵa josparlanǵan jumystardy bekitilgen keste aıasynda ýaqytyly ári sapaly aıaqtaýdy mindettedi. Eldi mekenderdi aýyz sýmen, kógildir otynmen qamtý baǵytynda qolǵa alynǵan sharalar jaıly jaýaptylardyń esebin tyńdaǵan B.Ospanov jyl sońyna deıin mejelengen jospardy óz merziminde aıaqtaýdy tapsyrdy. Leńgir qalasynda qurylysy júrip jatqan 60 páterli kópqabatty turǵyn úı men ınfraqurylymdardy tartý jumystaryn óz kózimen kórgen oblys ákiminiń birinshi orynbasary olqylyqtarǵa jol bergen basshylarǵa birqatar syn-eskertpeler aıtyp, kemshilikterdi tez arada joıýdy júktedi. Eki aýdandaǵy áleýmettik nysandardy aralap kórgen oblys ákiminiń birinshi orynbasary jergilikti turǵyndardy jeke máseleleri boıynsha qabyldady.