Jazdyń eń bir qyzyq kezeńi – lagerdegi kez bolsa kerek. Jańa dostar tabasyń, birge júrip, birge kúlesiń. Jazǵy maýsymdy tıimdi ári qyzyqty ótkizesiń. Mine, OQO Maqtaraldyq lager turǵyndary arasynda da osyndaı atmosfera qalyptasqan. Jýyrda Atakent óńirinde ornalasqan «Tolaǵaı» lagerinde demalyp jatqan Maqtaral aýdanynynyń mektep oqýshylarynyń arasynda týrısik saıystar ótkizildi. Oǵan 8 komanda qatysty. Balalar men jasóspirimder arasynda sporttyq baǵdarlaýdy, sporttyq týrızm tásilderin nasıhattaýǵa, jastardyń boıynda týrıstik eptilikter men daǵdylardy shyńdaýǵa, qala mektepteri arasynda eń úzdik týrıstik topty anyqtaýǵa, salaýatty ómir saltyn nasıhattaýǵa baǵyttalǵan týrısik kópsaıysty aýdandyq «Jastar ortalyǵy» KMM-si, «Jas Otan» Jastar qanaty jáne balalar men jasóspirimder shyǵarmashylyq ortalyǵy uıymdastyryp ótkizdi. Komandalar shatyr qurý, túıin baılaý, bilikti týrıs, ótkelden ótý, maımylsha júrý, dáriger suraqtary, topografııalyq belgiler saıystary boıynsha tapsyrmalardy oryndady. Jarys qorytyndysyna sáıkes uıymdastyrýshylar bekitken tóreshiler jeńimpazdardy anyqtady. Jarystyń ár bólimi boıynsha júldegerler anyqtalyp, olarǵa arnaıy daıyndalǵan dıplomdar men baǵaly zattaı syılyqtar tapsyryldy. Al, eń úzdik týrısik top, ıaǵnı İ-oryndy «Tolaǵaı» komandasy, İİ-oryndy «Jalyn», İİİ-oryndy «Aqjelken» komandalary ıelendi.
G.Sultanova«Jastar ortalyǵy» KMM qyzmetkeri
