Qyrǵyzstannyń áleýmettik (zeınetaqy) qory azamattarǵa ıpotekanyń alǵashqy jarnasyn ózderiniń zeınetaqy jınaqtarynan tóleýge ruqsat etýdi usynyp otyr. Joba qoǵamdyq talqyǵa shyǵaryldy.

İnformburo.kz-tiń jazýynsha, ıpotekalyq kredıttiń alǵashqy jarnasyna qajetti birrettik tólem somasyn azamattardyń ózderi anyqtaıdy. Alaıda ol salymshynyń zeınetaqy jınaǵynyń jalpy mólsherinen aspaýy tıis. Ári memlekettik ıpotekalyq kompanıanyń 50 myń som (275 myń teńge) kólemindegi alǵashqy jarna mólsheri shamasynda bolýy kerek.

Qarajatty memlekettik ıpotekalyq baǵdarlamaǵa qatysqan jaǵdaıda ǵana qoldanýǵa ruqsat. Ári ótinish berýishiniń baspanasy bolmaýy qajet.

Sondaı-aq joba aıasynda aýyr naýqasqa shaldyqqan qyrǵyzstandyqtarǵa qarjyny emdik maqsatta jumsaýyna jol ashylmaq. Ol úshin syrqat túri úkimet bekitken tizimde bolýy tıis.

Bastama arqyly úkimet azamattardy zeınetaqy shottaryna qarjy quıýǵa yntalandyrǵysy keledi.