Bloger Arshat Oraz óziniń feısbýktaǵy paraqshasynda joǵary bilimdi aqyly qylý kerek degen bastama kóterdi.

"Memlekettik grant kóp, al bilim sapasy bar ma? Bilim árqashan lúks nárse bolýy kerek. Sonda onyń quny, qadiri bolady. Al grantqa túsý áli de jáı áleýmettik statýs ǵana. Tegin bilimniń teris tustary kóp. Eń aldymen balaǵa jáne ata-anasyna stress. Sosyn óz tańdaýy emes, qaısysy qoljetimdi sony tańdaıdy. Nátıjesinde ol bólimde bala oqyǵysy kelmeýi múmkin. Eger aqyly bilim bolsa, bala yntasymen oqıdy, oqytýshylardyń aılyǵy da joǵary bolady, sapaly mamandar shyǵa bastaıdy, ýnıversıtet sany azaıyp, tek myqtylar qalady.

Jalpy qazirgi ýaqytta balany burynǵydaı JOO-ǵa túsýge mindettemeý kerek. Qazir naqty bir mamandyqty ıgerýge baǵyttaý kerek.

Dıplomdy, sapasyz mamandardy kóbeıtkenshe, qolynan is keletin jastardy kóbeıtý kerek.

Sananyń jańarýyn, rýhanı jańǵyrý degenderdi osylaı túsinemin" dep jazdy bloger.