Elimizde valúta aıyrbastaý qıyndaýy múmkin dep jazady Qamshy.kz aqparat agenttigi KTK telearnasyna silteme jasap. Aqsha aıyrbastaý pýnktteri ár operasıany jýrnalǵa tirkep otyrady. Iaǵnı, keler jyldan bastap aqsha aıyrbastaǵan adamnyń aty-jóni men jeke kýáliginiń nómeri jazylady. Mundaı bastamany Ulttyq bank kóterip otyr.

Oǵan qosa qarjy naryǵyn retteýshi bir adamǵa 500 myń teńgeden asa aqsha aıyrbastaýǵa nemese satýǵa ruqsat etpeıdi. Eń basty jańalyq - valúta aıyrbastaý pýnktteriniń jumysyn kúndizgi 10:00-nan keshki 19:00-ne deıin shekteýdi usynyp otyr. Bul týraly «Qazaqstan Respýblıkasy qolma-qol shetel valútasymen aıyrbastaý operasıalaryn uıymdastyrý qaǵıdalaryn bekitý týraly» qaýlynyń jobasynda jazylǵan. Aqsha aıyrbastaǵan tulǵalarǵa qatysty aqparattyń qalaı tirkeletini 51-shi tarmaqta kórsetilgen. Qujat 16 tamyzǵa deıin qoǵam talqysyna túsedi. Ekonomıserdiń pikirinshe, Ulttyq banktiń bastamasy shıki jáne el ekonomıkasyn tyǵyryqqa tireıdi. 

"Aıaq astynan bir adam valúta aıyrbastaǵysy kelse, amalyn tabady. Bul jerde valúta aıyrbastaý pýnktteriniń jumys ýaqytyn shekteý arqyly kóleńkeli bızneske jol ashamyz. Sebebi, aqshany jasyryn, qolma-qol satatyndardyń saýdasy qyzady. Oǵan qosa, valútany bir alǵanda, saýda 500 myń teńgeden aspaýy kerek degen de kúlkili. Sonda quny 1500 dollardan asatyn jyljymaıtyn múlikti satqandar ne istemek?", - deıdi Álemdik ekonomıka jáne halyqaralyq qatynastar ınstıtýtynyń dırektory Ákimjan Arýpov.