İshki ister mınıstri Erlan Turǵymbaev Pavlodar oblystyq polısıa departamentiniń basshylaryn jumystan shyǵarýǵa ýáde berdi dep habarlaıdy Qamshy.kz aqparat agenttigi Tengrinews.kz saıtyna silteme jasap.

İİM basshysynyń Pavlodar oblysynyń polısıa qyzmetkerleriniń jumysyna kóńilin tolmaı otyr. 

Nur Otan partıasynyń qabyldaýyna osy óńirdiń turǵyndary suraqtaryn qoıdy. Ekibastuz turǵyny Naılána Imasheva gaz balony jarylýy saldarynan ata-anasynan aıyrylǵan eken. Ol balondy 2018 jyly janarmaı quıý stansıasynan alǵan.

"Ol balondy qoldanǵan joqpyz, jaı ǵana turǵan edi. Bolǵan órtten anamnyń denesiniń 95 paıyzyn, ákemniń 73 paıyzyn kúıik shaldy. Bizdi jansaqtaý bólimine jatqyzdy, biraq úshinshi kúni anam qaıtys boldy. Qylmystyq kodekstiń 204-baby boıynsha ("Bótenniń múlkin abaısyzda joıý nemese búldirý") is qozǵady", - deıdi Naılána Imasheva.

Onyń aıtýynsha, bul jaǵdaıdan soń polıseıler sol kúıi qylmystyq is qozǵaǵan joq. Órtten qaıtys bolǵandardyń ólimine kimniń kináli ekenin anyqtaǵan da joq.

"Qylmystyq is materıaldarynda qaıtys bolǵandar kórsetilmegen. Kimniń kináli ekeni de aıtylmaǵan, kórsetilmegen. Ekibastuz qalalyq polısıa qyzmetkerlerine hat jazdyq, biraq olar jaýap bermeıdi. Keıinirek polısıa basshysy bizdi shaqyrtyp, istiń azamattyq sotta qaralatynyn aıtty", - deıdi Ekibastuz turǵyny.

Mınıstr áıeldiń bul shaǵymyn tyńdap, qylmystyq isti tirkeýdi tapsyrdy.

"İİM ókilderine barasyz, tergeý departamentimen baılanysasyz. Barlyǵy tekserilip, tirkeledi. Sondaı-aq, onda taǵy adamdardy jiberińder. Janarmaı quıý stansıa qyzmetkerlerinen jaýap alsyn. Órt-tehnıkalyq saraptamany qaıta jańartyńdar. Munyń esh qıyndyǵy joq", - dedi mınıstr kómekshilerine.

Osydan keıin Turǵymbaev Pavlodar oblysyna turǵyndar jıi aıtatyn shaǵymdarmen aınalysatyn arnaıy komısıany jiberýge ýáde berdi.

"Jazalaý týraly buıryq daıyndap qoı, qyzmetterinen bosatýǵa deıin baramyz. Pavlodar, estip tursyzdar ma? Sizderdiń departament basshylaryńyz eńbek demalysynan qashan shyǵady? Osy másele boıynsha tekseris júrgiziledi? Eki adam qaza tapty, eki adamdy kúıik shaldy - kináliler joq pa? Jalpy, Pavlodar, sizderdiń jumystaryńyzǵa kóńilim tolmaıdy? Adamdar osylaı shaǵymdaryn aıtyp jatyr, biraq eshqandaı reaksıa joq. Qazir osy derekterdi tekseretin adamdardy jiberemin", - dedi ishki ister mınıstri.