Qazaqstan prezıdenti Qasym-Jomart Toqaev AQSH Kongresi ókilderi palatasynyń músheleri Devın Nýnes pen Rık Kroýfordty qabyldady.

Kezdesý barysynda eki el arasyndaǵy strategıalyq seriktestikti keńeıtý máseleleri, sondaı-aq óńirdiń kún tártibindegi ózekti taqyryptar talqylandy.

"AQSH – Qazaqstannyń táýelsizdigin moıyndaǵan alǵashqy memleketterdiń biri. Biz saýda-ekonomıkalyq, ınvestısıalyq jáne energetıkalyq salalarda tyǵyz yntymaqtastyq ornattyq. Elderimizdiń ózara tabysty is-qımyldarynyń mańyzdy baǵyty qarýsyzdaný jáne ıadrolyq qarýdy taratpaý salasy bolyp tabylady", – dedi memleket basshysy.  

Amerıkalyq kongresmender Q.Toqaevty prezıdenttik saılaýdaǵy jeńisimen quttyqtap, kózdegen reformalarynyń tabysty júzege asýyna tilektestik bildirdi.

Kongresmender Qazaqstannyń Ortalyq Azıadaǵy beıbitshilikti, turaqtylyqty jáne qaýipsizdikti nyǵaıtýdaǵy róline joǵary baǵa berip, Aýǵanstannyń áleýmettik-ekonomıkalyq jaǵdaıyn qaıta qalpyna keltirý isindegi birlesken is-qımyldardyń mańyzdylyǵyna basa nazar aýdardy.