Jah Khalib óziniń Almaty shaharyn qatty jaqsy kóretini týraly aıtty. Onyń aıtýynsha, «almatylyq» degen sózdiń ózi ádemi estiledi dep jazady Qamshy.kz aqparat agenttigi.

«Qalada aleıalar men saıabaqtar kóp. Almaty – Qazaqstannyń mádenı astanasy. Almaty – eń úlken ári TMD kóleminde tanymal shahar. «Qazaqstan» degendi estigenderdiń bári «Almatyny» eske salady. Óz ýaqytynda bul qalada Qazaqstannyń búkil ıntellıgensıasy jıylǵan», - deıdi Jah Khalib.

Ánshiniń aıtýynsha, Almaty – shyǵarmashylyq adamdary úshin eń tamasha qala.

«Bir jaǵynan Almaty sovettik kezeńniń tarıhy, eski qala. Bir jaǵynan qazir Almatyda zamanaýı qurylystar kóp, órkendep keledi», - deıdi ánshi.

Ońtústik astana Jah Khalib úshin fontandarymen, qydyrǵan ýaqyttarymen, aleıalarymen, alǵashqy mahabbatymen jáne Batyrhan Shúkenovtiń shyǵarmashylyǵymen ystyq.

«Batyrhan Shúkenov óziniń eń úzdik týyndylaryn Almatyda jazǵan. Osy kisi meniń shyǵarmashylyqqa bet burýyma yqpal etti. Onyń ómirden erte ótkeni ókinishti», - deıdi Jah Khalib.