Ústimizdegi jyldyń 11-tamyzynda saǵat kúndizgi 12:13 shamasynda 102 telefonyna belgisiz er adam habarlasyp, "City mall" saýda ortalyǵyn jaratynyn aıtyp qoqan-loqqy kórsetken dep jazady Qamshy.kz aqparat agenttigi.

Oblystyq polısıa departamentiniń kezekshi bóliminiń nusqaýymen atalǵan orynǵa shuǵyl áreket etý toby jiberildi. Patrúldik polısıa qyzmetkerleri ǵımaratty tolyq qorshap, 240 adamdy evakýasıalady.

Araǵa bir saǵat ýaqyt salyp, 102 telefonyna qońyraý shalǵan taǵy bir adam oblys ákimdiginiń ǵımaratyna jarylǵysh zat qoıylǵany týraly aqparat jetkizdi.

Jedel izdestirý tobynyń eńbeginiń arqasynda 39 jastaǵy qala turǵyny qolǵa túsip, qońyraý shalynǵan telefony alyndy. Al saperlar qos ǵımaratty da muqıat tekserip shyqqan. Eshqandaı jarylǵysh zat tabylmady.

Qazirgi ýaqytta kúdiktiniń ústinen QR QK 273-babyna sáıkes «Terorızm týraly jalǵan aqparat taratqany úshin» is qozǵalyp, sotqa deıingi tergeý amaldary júrgizilýde.