Kók-Tóbe telemunarasyna bir shaqyrym jerdegi taý baýraıynda janyp jatqan órttiń aýmaǵy 10 ga kóleminde. Bul týraly Tótenshe jaǵdaılar komıtetiniń baspasóz qyzmeti málimdedi dep jazady Qamshy.kz aqparat agenttigi.

11-tamyz kúni kúndizgi 14:28 shamasynda «101» telefonyna Almaty qalasy, Medeý aýdanynda órt shyqqany týraly aqparat kelip túsken.

Qazirgi ýaqytta órtti aýyzdyqtaý úshin Tótenshe jaǵdaılar departamentiniń jeke quramynan 27 adam jáne 6 tehnıka, «Almaty Tazalyq» mekemesinen 25 qyzmetker 2 tehnıka jumyldyrylǵan.

Tótenshe jaǵdaılar komıtetiniń málimetine súıensek, adamdar turatyn aýmaqqa órttiń zalaly tımeıdi.

Sondaı-aq, qalalyq Tótenshe jaǵdaılar departamentiniń aıtýynsha, saǵat 17:31 shamasynda órttiń ońtústik jáne ońtústik-batys bóligi aýyzdyqtalǵan.

«Oqıǵa oryny yldıda. Kólik júre almaıdy. Sol sebepti jalyndy jaıaý sóndirýge májbúrmiz. Órttiń bir jaq bóligi sóndirildi», - deıdi departamenttiń arnaıy ókili Sandýǵash Baımuhametova.