"Qazaqfılm" kınostýdıasynyń jańa prezıdenti bolyp Arman Asenov taǵaıyndaldy dep habarlaıdy Qamshy.kz aqparat agenttigi.

Aıta keteıik, 9 tamyzda Baqyt Qaıyrbekov "Qazaqfılm" prezıdenti qyzmetinen ketken bolatyn. 

Arman Asenov 1972 jyly 17 sáýirde dúnıege kelgen, akter, prodúser. 

1995 jyly Qazaq aýylsharýashylyq ınstıtýtyn, 1998 jyly Máskeýdegi S.Eızenshteın atyndaǵy Kıno mektepterin damytý halyqaralyq qorynyń joǵary rejıserlik kýrsyn "Kıno óndirisin, mádenı jáne buqaralyq baǵdarlamalardy uıymdastyrýshy" mamandyǵy boıynsha, 2000 jyly Memlekettik qarjy ınstıtýtyn bitirdi.

1995 - 2002 jj - akter, Sh.Aımanov atyndaǵy "Qazaqfılm" AQ prodúseri.

2002 - 2006 jyldar - "Kazkınoprokat" birlestiginiń bas dırektory, kınoprodúser. 2006 - 2007 jj - Almatydaǵy Respýblıka saraıy dırektorynyń orynbasary. 2007 - 2010 jj - Astanadaǵy "Jastar" saraıynyń dırektory.

2010 - 2014 jyldar - Sh.Aımanov atyndaǵy "Qazaqfılm" AQ Dırektorlar keńesiniń múshesi, táýelsiz dırektor, "Báıterek" ulttyq prodúserlik ortalyǵynyń bas prodúseri.

2014 - 2015 jj - Sháken Aımanov atyndaǵy "Qazaqfılm" AQ birinshi vıse-prezıdenti

2015 - 2016 jyldar - "Qazaq Eli" Tuńǵysh ulttyq serıalynyń bas prodúseri.

2017 jylǵy 6 qańtardan bastap - "Respýblıka Saraıy" JSHS dırektory, kınoprodúser.