Búgin 12-tamyz kúni prezıdent Qasym-Jomart Toqaevtyń jarlyǵymen Qazaqstan Respýblıkasynyń Belarýs Respýblıkasyndaǵy Tótenshe jáne ókiletti elshisi jumystan bosatyldy dep jazady Qamshy.kz aqparat agenttigi Aqordaǵa silteme jasap. 

"Memleket basshysynyń Jarlyǵymen Ermuhamet Qabıdenuly Ertisbaev Qazaqstan Respýblıkasynyń Belarýs Respýblıkasyndaǵy Tótenshe jáne Ókiletti Elshisi qyzmetinen, TMD Jarǵylyq organdarynyń janyndaǵy Turaqty Ókil qyzmetin qosa atqarýdan bosatyldy",- delingen jarlyqta.

Ermuhamet Qabıdenuly Ertisbaev Qaraǵandy memlekettik ýnıversıtetin bitirgen. Saıasattaný ǵylymdarynyń doktory, profesor. Aǵylshyn tilin meńgergen.

Jumys tájirıbesin 1978 jyly Jezqazǵan pedagogıkalyq ınstıtýtynyń asıstenti bolyp bastaǵan. Keńes Áskeri qatarynda áskerı qyzmet ótegen. Lomonosov atyndaǵy MMÝ-de mashyqtanýshy-oqytýshy bolyp qyzmet atqarǵan, sonda aspırantýrany bitirip, dısertasıa qorǵaǵan. Saıasat tarıhy kafedrasynyń meńgerýshisi bolǵan. Birneshe monografıalar men júzdegen ǵylymı jáne pýblısısıkalyq maqalalardyń avtory.

1990—94 jyldary Respýblıka Joǵary Keńesiniń depýtaty boldy.

1994—98 jyldary Qazaqstannyń Sosıalısik partıasy saıası atqarý komıtetiniń hatshysy bolyp saılandy.

1994—98 jyldary Qazaqstan Respýblıkasy Prezıdentiniń keńesshisi

1998—2002 jyldary Qazaqstan strategıalyq zertteýler ınstıtýtynyń dırektory.

2000 jyly Memleket basshysy Ákimshiliginiń bólim meńgerýshisi bolyp jumys istedi.

2002 jyly Qazaqstan Respýblıkasy Prezıdentiniń keńesshisi.

2006 jyly qańtar aıynan bastap QR Mádenıet, aqparat jáne sport mınıstri.

2006—08 jyldary QR Mádenıet jáne aqparat mınıstri.

2008 jyly mamyr aıynan Qazaqstan Respýblıkasy Prezıdentiniń keńesshisi

2013 jyldyń sáýir aıynda Qazaqstannyń Grýzıadaǵy elshisi bolyp, 2017 jyldyń qarasha aıynan bastap Qazaqstannyń Belarýs Respýblıkasyndaǵy elshisi qyzmetin atqardy.