Ústimizdegi jyldyń 20-23 tamyz aralyǵynda Qazaqstannyń ulttyq (etnıkalyq) teatrlarynyń V respýblıkalyq festıvali ótedi. Qazylar alqasy retinde E.Jýasbek, M.Tokarev, A.Erkebaı, S.Qamıev sıaqty tanymal teatr synshylary men ártisteri, sondaı-aq QR Parlamenti Májilisiniń depýtaty N.Jumadildaeva óz taraptarynan festıválǵa qatysýǵa daıyndyqtaryn bildirdi, – dep habarlady Qamshy.kz aqparat agenttigi.

Festıvál baǵdarlamasy tórt kúnge ázirlengen. Festıváldiń saltanatty ashylý rásimi 20 tamyzda saǵat 10:00-de İ. Omarov atyndaǵy Qostanaı oblystyq qazaq drama teatrynda ótedi.

Odan keıin memlekettik Respýblıkalyq akademıalyq koreı mýzykalyq komedıa teatrynyń trýppasy ("Mahabbat týraly Poema" spektákl-eposy) jáne Qostanaı oblystyq orys drama teatrynyń trýppasy ("Aq kelinniń mahabbaty men ólimi" tragedıasy) úzdik qoıylymdaryn usynady.

Ekinshi kúni, 21 tamyzda, kórermen aldynda Shymkent qalalyq Ózbek drama teatrynyń ("Qasqyr ulyǵan tún" dramasy) jáne İ. Omarov atyndaǵy Qostanaı oblystyq qazaq drama teatrynyń ártisteri ("Aq bas búrkit" dramasy) óner kórsetedi.

Al úshinshi kúni, 22 tamyzda, teatr sahnasynda memlekettik K. Qojamárov atyndaǵy Memlekettik respýblıkalyq akademıalyq uıǵyr mýzykalyq komedıa teatrynyń ujymy óner kórsetedi ("Apat" mýzykalyq plasıkalyq spektakli).

Festıváldiń saltanatty jabylýy men jeńimpazdardy on nomınasıa boıynsha marapattaý Qazaqstan halqy Assambleıasy Tóraǵasynyń orynbasary J.Q. Túımebaevtyń, QR Mádenıet jáne sport mınıstri A.R. Raıymqulovanyń, Qostanaı oblysynyń ákimi A.B. Muhambetovtyń qatysýymen 23 tamyzda saǵat 10:00-de Jastar saraıynda ótkiziledi.

Sonymen qatar, negizgi baǵdarlamadan tys festıvál qatysýshylary úshin Qostanaı qalasynyń kórikti jerlerin kórsetýge arnalǵan mádenı baǵdarlama qarastyrylǵan.

Festıvál Qazaqstan Respýblıkasynyń Mádenıet jáne sport mınıstrligi Qazaqstan halqy Assambleıasynyń, Qostanaı oblysy ákimdiginiń qoldaýymen uıymdastyrylýda.

Barlyq kórermenderge festıválǵa kirý tegin.