Qaraǵandy oblysyndaǵy Qarqaraly memlekettik ulttyq saıabaǵynyń 2,5 myń gektar jeri órt qushaǵynda dep jazady Qamshy.kz aqparat agenttigi.

Qarqaralydaǵy Ulttyq saıabaqty tilsiz jaýdan arashalaý úshin qutqarýshylar toqtaýsyz jumys jasap jatyr. Órt aýmaǵynyń búgingi kórsetkishi – shamamen 2,5 myń gektar. Adam aıaǵy jetpeıtin jerlerge tikushaqpen sý sebilip jatyr. Biraq jalyn boı bermeı tur. Osyǵan oraı, basshylyq tarap órtti aýyzdyqtaýǵa qosymsha kúsh bólýge sheshim qabyldady.

Ulttyq saıabaqty aman saqtap qalý úshin QR Ulttyq gvardıasynan da kúsh qarastyrylǵan.

«Búgin oqıǵa orynyna Ulttyq gvardıanyń №52859 áskerı bóliminen 85 adam jiberiledi», - dep habarlady Qaraǵandy oblystyq TJD baspasóz qyzmeti.

Qarqaraly aýdanynyń ákimi oqıǵa orynynda júr. al qajet aımaqtarǵa tótenshe jaǵdaı rejımi jarıalandy.