Aqtóbe oblysynyń Shalqar qalasynda jol jóndeýge bólgen aqshany sheneýnikter talan-tarajǵa salǵan. Qazir tergeýshiler ákimdiktegilerden ol qarjyny qaıda jumsaǵandaryn surap jatyr, dep habarlaıdy KTK arnasy. 

«Shalqar qalasy Tuńǵatarov, Boranbaıuly jáne Bostandyq, Qaraǵul kósheleriniń avtokólik joldary boıynsha jasalmaǵan jumystardy qabyldaý arqyly asa iri mólsherde, ıaǵnı otyz mıllıonǵa jýyq teńge kólemindegi senip tapsyrylǵan bóten múlikti ıemdenip alý jáne talan-tarajǵa salý deregi boıynsha sotqa deıingi tergeý bastaldy”, - dedi Aqtóbe oblystyq prokýratýrasy basqarmasynyń aǵa prokýrory Jánibek Tórebekov. 

Shalqardaǵy tórt kóshege tas tóselgende turǵyndar qýanǵan edi. Keıin revızıalyq komısıa tekserýge kiriskende jumystyń jartylaı istelip, bıttiń qabyǵyndaı asfált quıylǵanyn kóredi. Al qazynadan bólingen aqshany merdigerge aýdara salǵan. Tipti sheneýnikter atqarylǵan jumysqa qatysty jalǵan qujattar ázirlegen. Endi sol úshin aýdandyq ákimdiktiń basshylary men avtokólik joldary bóliminiń ókilderi jaýapqa tartylyp jatyr. 

Aıta keteıik, buǵan deıin Shalqardyń shuryq-tesik jolyna qatysty burynǵy bólim basshysy aqshanyń joqtyǵyn aıtyp kúlkige qalǵan edi. Qarjy bólse qatyramyz degen bolatyn.