Kókshetaýlyq "Oqjetpes" jastar klýbynyń fýtbolshysy Roman Zúzınniń neden qaıtys bolǵany belgili boldy dep habarlaıdy Qamshy.kz aqparat agenttigi Sputnik Qazaqstan.

Fýtbol klýby jas sportshynyń sespısten (irińdeý) kóz jumǵanyn aıtty. Ótken demalys kúnderi Roman Zúzınniń ystyǵy kóterilip, aýrýhanaǵa jatqazylypty.

Fýtbolshynyń ólimi týraly 14 tamyzda habarlanǵan.

"Jaqyn adamnan, dostan aıyrylý qandaı qaıǵy. Myqty, densaýlyǵy zor jastardyń qaza bolýy odan ótken qasiret. "Oqjetpes" fýtbol klýby Roman Zúzınniń týystary men jaqyndaryna kóńil aıtady. Roman kókshetaýlyq "Oqjetpes" klýbynyń jastar komandasynda oınaǵan bolatyn" – delingen komandanyń resmı saıtynda. 

Jas oıynshymen qoshtasý rásimi 16 tamyzda Kókshetaý qalasyndaǵy "Oqjetpes" komandasynyń stadıonynda ótedi. Aldyn ala málimet boıynsha rásim tańǵy saǵat 11.00-de bastalady.