Bıylǵy jyldyń 16 tamyzynda №16 orta mektepte «Mektepke jol» respýblıkalyq aksıasy aıasynda Almaly aýdany ákiminiń apparaty, "Nur Otan" partıasymen aýdan kásiporyndary birlesip kópbalaly jáne az qamtylǵan otbasylarǵa, ata-anasynyń qamqorlyǵynsyz qalǵan balalarǵa jáne múmkindigi shekteýli balalarǵa qaıyrymdylyq aksıasyn uıymdastyrdy dep habarlaıdy Qamshy.kz aqparat agenttigi. 

Aksıa barysynda muqtaj balalarǵa mektep formasy, portfel, keńse taýarlary túrinde kómek kórsetildi.

Kómek alǵan balalardyń ata-analary men qamqorshylary meıirimdilik tanytyp qoldaý kórsetken múddeli azamattarǵa rızashylyqtaryn bildirdi.

Bıylǵy jyly «Mektepke jol» aksıasyna iri kompanıalar, sondaı-aq memlekettik organdar men jeke kásipkerler: «Metall Prom», «Baxus», «Enrise» jáne taǵy basqa demeýshiler qoldaý kórsetti.

Almaly aýdanynda turaqty negizde bilimmen qamtylmaǵan balalardy anyqtaý maqsatynda jumystar júrgizilip, azamattardyń áleýmettik kómekke júginýine jedel jaýap berý úshin qoǵamdyq qabyldaý bólmesi men senim telefony quryldy. Áleýmettik sala bóliminiń jumys teelfony: 261-51-20, 272-79-12.

Jańa oqý jylyna jaqsy kóńil - kúı, jańa qarqyn, bilimge degen qushtarlyq, asyǵa kútken altyn uıa mektebine saǵynysh sezimin uıalatyp otyrǵan bul qaıyrymdylyq aksıasy árbir balanyń boıyna senim, janyna jiger uıalatatyny sózsiz.