Qasym-Jomart Toqaev Shyǵys Eýropadaǵy ekonomıkalyq qatynastar jónindegi nemis komıtetiniń burynǵy tóraǵasy, «Báıterek» UBH» aksıonerlik qoǵamynyń táýelsiz dırektory Klaýs Mangoldti qabyldady dep habarlaıdy Qamshy.kz aqparat agenttigi. 

Kezdesý barysynda taraptar Qazaqstan men Germanıa arasyndaǵy saýda-ekonomıkalyq jáne ınvestısıalyq yntymaqtastyqtyń qazirgi jaǵdaıy men keleshegin talqylady. Sondaı-aq, álem ekonomıkasynyń damýyna qatysty ózekti máseleler jóninde pikir almasty.

Qasym-Jomart Toqaev sıfrlandyrý jáne jasandy ıntellekt salasyndaǵy nemis bıznesiniń ókilderimen ózara yqpaldastyqty nyǵaıtýdyń mańyzdylyǵyna nazar aýdardy.

Klaýs Mangold Memleket basshysyna jyl sońynda Germanıada qazaq-nemis kásipkerleriniń qatysýymen iri bıznes-forým uıymdastyrý týraly josparyn aıtty.