«Mańǵystaý oblysy mádenıetiniń Astana qalasyndaǵy kúnderin aqyn Ońaıgúl Turjannyń «Teńizder de shóldeıdi» atty jyr keshinen bastap otyrmyz. Mádenıet kúnderin uıymdastyrý aldynda ár oblystyń aqyny, jazýshysy sekildi ataqty adamdardyń shyǵarmashylyq keshin ótkizý eskerilgen bolatyn. Ońaıgúl İzturǵanqyzy Mańǵystaý óńirinde dúnıege kelgen. Búginde ol Astanadaǵy Eýrazıa ulttyq ýnıversıtetinde qyzmet atqarýda. Osy oraıda aqynnyń shyǵarmashylyqtaǵy, ǵylym salasyndaǵy ózindik eńbegin eskere otyryp, óńirimizdiń elordadaǵy mádenı kúnderiniń aıasynda Ońaıgúl Turjannyń shyǵarmashylyǵyn da qamtydyq»,- dedi basqarma basshysy. Onyń sózine qaraǵanda, erteń elordadaǵy «Shabyt» shyǵarmashylyq saraıynda QR Eńbek sińirgen qaıratkeri, kúıshi Serjan Shákrattiń «Kúı quptany» atty konserti, M.Gorkıı atyndaǵy orys drama teatrynda N.Jantórın atyndaǵy mýzykalyq-drama teatrynyń «Abylaı han» qoıylymy ótedi. Al 25 maýsymda Astanada Mańǵystaý oblystyq qýyrshaq teatrynyń «Qańbaq shal» qoıylymy ótkizilse, osy kúni keshqurym Kongres holda «Saryarqa - eldiń júregi, túbektiń sende tilegi!» atty Mańǵystaý óner sheberleriniń gala-konserti uıymdastyrylady. Bekbol Bazarbaevtyń aıtýynsha, gala -konsertke óńirdiń 300-ge tarta ónerpazy qatysady. «25 maýsymda ónerpazdar ujymy Pavlodar oblysyna saparlaımyz. 28 maýsymǵa deıin osy oblysta mádenı kúnderimizdi ótkizip, keıin óńirimizge oralamyz», - dep túıindedi ol.