Aqtaý qalasynyń joǵarǵy sha­ǵynaýdandary men 16,17 já­ne sý­dyń qysymy jetpeı tur­ǵyn­dar­dan jıi aryz kelip túsetin 13 yq­­shamaýdannyń, Túpqaraǵan, Sa­ıyn Shapaǵatov aýyldarynyń tur­­­ǵyndary úshin búgin qýanysh­ty  kún. Jergilikti búdjetten bó­lin­gen 480 mln. teńgege salynǵan sýmen jabdyqtaýdyń ortalyq toraby ar­qyly saǵatyna 300 tekshe metr ón­dirilgen tirshi­lik nári atalǵan aýmaqtarǵa  taraı­dy. Sapaly aýyz sýǵa qol jetkizgen turǵyndar­dy oblys ákimi Alık Serikuly quttyqtady: – Osy kúrdeli jobany júzege asyryp, halyqtyń ıgiligine tap­syrýǵa jumystanǵan aza­mattar­ǵa alǵysymdy bildiremin. Oblys turǵyndary sýdan ta­ryqpaý úshin aımaqty sýmen qamtý júıesin ke­zeń-kezeńimen iske asyrýdy qolǵa aldyq. Ótken jyly iske qosylǵan «Kaspıı» sý tushytý zaýyty jań­ǵyrtýdan ótse, sýmen qamtý aıasy ulǵaıady. Sondaı-aq, aldaǵy ýa­qyt­ta Kendirlini, «Qalamqas», «Qara­janbas» ken oryndaryn sýmen qam­tıtyn jobalardy júzege asyrýdy maqsat tutyp otyrmyz. Sýdan tar­shy­lyq kórip kelgen turǵyn­dar «Aq­bulaq» baǵdarlamasynyń sha­ra­patyn sezinedi degen senimdemin. Osy qýanyshtaryńyzben qut­tyq­taımyn,-dedi aımaq basshysy. Sýmen jabdyqtaýdyń ortalyq torabynda árqaısysy 4000 tek­she metr bolatyn eki aýyz sý jáne  eki tehnıkalyq sý qoımasy jumys istep tur. Jańa nysandy menshigi­ne alǵan «Kaspıı jylý, sý arnasy» MKK bas ınjeneri A.Demıdovıch­tiń aıtýynsha, munda 26 adam turaq­ty jumysqa alynǵan. Kásiporyn al­daǵy ýaqytta jańa qondyrǵynyń kómegimen joǵary­da atalǵan aýmaq­tarǵa tehnıka­lyq sýdy da taratýdy josparlap otyr. Saltanatty shara­da turǵyndar atynan sóz al­ǵan Shyǵys-3 shaǵynaýdanynyń tur­­ǵyny Q.Qarajanov azamattarǵa al­ǵys bildirdi. Sapaly aýyz sý­dyń ıgi­ligin kóre bastaǵan turǵyn­dar halyq densaýlyǵyna, kúnkóris deńgeıiniń jaqsara túsýine de ti­keleı qatysy bar baǵdarlama el yryzdyǵyn eseleıtinine bek senimdi.