«Densaýlyq joly» Ulttyq baǵdarlamasyn júzege asyrý sheńberinde 2019 jyldyń 19 tamyzy men 30 tamyz aralyǵynda Jambyl oblysy ákimdigi densaýlyq saqtaý basqarmasy men oblys boıynsha salaýatty ómir salty jumystaryna baǵyttalǵan «Zer-Kúmis» jaýapkershiligi shekteýli seriktestiginiń uıymdastyrýymen aqparattyq- komýnıkasıalyq aksıasy ótkizilýde dep jazady Qamshy.kz aqparat agenttigi. 

Aksıa taǵamdardyń quramyndaǵy tuz, qant, maılary kóp azyq- túlikterdi tutynýdy shekteý nemese bas tartý týraly aqparattandyrý arqyly halyq densaýlyǵyn saqtaý men nyǵaıtý, deneniń artyq salmaǵy men semizdiktiń qaýpin azaıtý jáne jetkilikti dene belsendiligin nasıhattaýǵa baǵyttalǵan.

Osyǵan oraı, Taraz qalasynda Baýyrjan Momyshuly atyndaǵy «Jeńis» saıabaǵynda «Densaýlyq joly» atty aksıasynyń bastalýyna arnalǵan saltanatty jıyn ótti. Onda oblystyq densaýlyq saqtaý basqarmasy qoǵamdyq densaýlyq saqtaý bóliminiń basshysy Gaýhar Dosmaılova alańda jınalǵan turǵyndardy aksıanyń ashylýymen quttyqtap, quramynda kardıolog, endokrınolog, onkolog, okýlıs, gınekolog, nevropatolog jáne «Zere - Kúmis» JSHS mamandarynan qurylǵan mobıldi medısınalyq brıgadaǵa saparlarynyń sátti bolýyn tiledi.

Saltanatty jıynda Jambyl medısınalyq koleji bilimgerleriniń merekelik konserti turǵyndarǵa keremet kóńil-kúı syılady.

Baızaq aýdanynan bastalatyn aksıa, oblystyq barlyq 10 aýdanyn qamtıtyn bolady. Shara barysynda dárigerler aýdandardaǵy ortalyq alańda ashylǵan shaǵyn «Medısınalyq qalashyqta» turǵyndardyń qan qysymyn, qandaǵy holesterın deńgeıin ólshep, juqpaly emes aýrýlardyń aldyn alý boıynsha keńester beredi. Qajettilik týǵan jaǵdaıda tekserilýge kelgen turǵyndardy densaýlyǵyndaǵy kináratynyń anyqtalýyna baılanys-ty óńirdegi emdeý men ońaltý ortalyqtaryna jiberedi.

Shara aıasynda qalalyq jáne aýyldyq jerlerdegi sharalarmen qatar ulttyq baǵdarlama ótkizý kezinde terapevt, kardıologıa, endokrınologıa, onkologıa qyzmeti men salaýatty ómir saltyn qalyptastyrý qyzmetteriniń mamandaryn tartý arqyly shalǵaıdaǵy aýyldyq aýdandarǵa kóshpeli qozǵalmaly medısına kesheni qyzmet etedi.