Memleket basshysy Qasym-Jomart Toqaev Q.Qýanyshbaev atyndaǵy qazaq drama teatrynyń kórkemdik jetekshisi Talǵat Temenovti qabyldady dep habarlaıdy Qamshy.kz aqparat agenttigi Aqordaǵa silteme jasap.

Kezdesý barysynda elimizdegi teatr ónerin damytý máseleleri talqylandy.

Qasym-Jomart Toqaevqa elordadaǵy Qazaq memlekettik akademıalyq mýzykalyq drama teatrynyń jańa ǵımaratyn salý jumystary boıynsha aqparat berildi.

Belgili teatr jáne kıno rejıseri Talǵat Temenov bolashaqta mádenıet jylyn jarıalaý, jas akterlerdiń áleýmettik jaǵdaıyn jaqsartý, baspanamen qamtý máseleleri boıynsha birqatar usynystar aıtty.

Prezıdent Qasym-Jomart Toqaev halyqtyń rýhanı suranysyn qamtamasyz etýde ónerdiń, sonyń ishinde teatrdyń mańyzyn atap ótip, aldaǵy ýaqytta mádenıetke, teatr men kınoǵa memleket tarapynan tıisti deńgeıde kóńil bólý jalǵasa beretinin aıtty.