Búgin, Almatyda N. Á. Nazarbaevtyń bastamasy boıynsha jarıalanǵan Jastar jylynyń aıasynda jastardyń CAYF Orta Azıalyq festıvali ashyldy dep habarlaıdy Qamshy.kz aqparat agenttigi. 

Bul týraly Baqytjan Saǵyntaev óziniń ınstagram áleýmettik jeli paraqshasynda jarıalady.

Uıymdastyrýshylar – Tuńǵysh Prezıdent Qory men Almaty qalasynyń ákimdigi.

Bizdiń qalamyz eki kún boıyna 7 eldiń 400-ge jýyq daryndy jastary qatysqan alańǵa aınaldy.

"Qatysýshylar geografıasyn keńeıtýdi jáne bolashaqta Reseıdiń, Qytaı men Koreıanyń, Úndistannyń jáne basqa da elderdiń jastaryn shaqyrýdy ári festıváldy jyl saıyn ótkizýdi usyndym. Prezıdent Q.-J. Toqaev keler jyldy Eriktiler jyly dep jarıalady, sondyqtan 2020 jyly Almatyda bizdiń óńir elderi eriktileriniń Jastar forýmyn ótkizýdi usynamyn.", - dedi Baqytjan Saǵyntaev.