Almaty ákimi Baqytjan Saǵyntaev megapolıs aýdandarynyń turǵyndarymen kezdesýdi jalǵastyrýda dep habarlaıdy Qamshy.kz aqparat agenttigi. 

"Búgin Jetisý aýdanynda eki saǵat ishinde 52 adam ózderiniń suraqtaryn qoıdy", - dep jazdy Baqytjan Saǵyntaev ınstagram paraqshasynda.

Túrli máseleler kóterildi: turǵyn úıdi jekeshelendirýmen qatar aýrýhanalarda mamandardyń jetispeıtindigi aıtyldy.

Birinshi kezekte balalardyń mektepke durys qatynaýy úshin jaǵdaılar jasalmaq. Al, qoǵamdyq qaýipsizdikke baılanysty krımınaldy aýdandarda qajetti qondyrǵylarmen jabdyqtalǵan polısıanyń mobıldi pýnktteri ornatylady. Erteń onyń alǵashqysy iske kirispek.

Monopolıserdiń jumystaryna qatysty kóptegen saýaldar qoıyldy: jaryqtyń mezgilsiz sónip qalýy, turǵyndardyń GRQ-degi gazdyń ısinen táýlik boıyna terezelerin ashyp qoıýy. Qazirgi kezde máseleni sheshý joldaryn qarastyrylýda.