Jıynǵa Premer-mınıstr Asqar Mamın, Premer-Mınıstrdiń birinshi orynbasary – Qarjy mınıstri Álıhan Smaıylov, Premer-mınıstrdiń orynbasarlary – Berdibek Saparbaev pen Jeńis Qasymbek, Ulttyq ekonomıka mınıstri Rýslan Dálenov, Esep komıtetiniń tóraǵasy Natalá Godýnova, sondaı-aq Prezıdent Ákimshiliginiń basshylyǵy qatysty.

Keńes barysynda Prezıdentke respýblıkalyq búdjettiń aldaǵy úsh jylǵa arnalǵan jobasynyń negizgi parametrleri baıandaldy.

Qasym-Jomart Toqaev búdjet jobasynyń teńgerimdi jáne elimizdiń áleýmettik-ekonomıkalyq damý talaptaryna saı ekenin aıtty. Sonymen qatar, Memleket basshysy búdjettik shyǵystardyń tıimdiligin arttyrý jáne búdjettiń kirisin odan ári ulǵaıtý jónindegi jumystardy jalǵastyrýdyń mańyzdylyǵyn atap ótti.

Prezıdent búdjetti josparlaýdyń barlyq kezeńderinde shyǵystardy ońtaılandyrýǵa, Esep komıtetimen ózara tyǵyz yqpaldastyq ornatýǵa, sondaı-aq negizsiz ımıjdik jáne konsaltıńtik shyǵyndardy qysqartýǵa shaqyrdy.

Sońynda Memleket basshysy Úkimetke búdjet úderisine baqylaýdy kúsheıtýdi tapsyrdy. Onyń aıtýynsha, búdjet áleýmettik-ekonomıkalyq turǵydan barynsha tıimdi ári mańyzdy jobalardy qarjylandyrýy tıis.