Jambyl oblysy ákimdiginiń týrızm basqarmasy oblystyń týrızm salasy kásipkerlerine jáne mamandaryna arnalǵan oqytý semınaryn ótkizdi. Sh.Ýálıhanov atyndaǵy oblystyq ǵylymı ámbebap kitaphanasynda ótken jıynda uıymdastyrýshy basqarmanyń mamandary «Taraz Tour» mobıldi qosymshasyn tıimdi paıdalaný boıynsha dáris júrgizdi. Basqosýǵa oblystaǵy barlyq týrısik fırmalar, qonaq-úı basshylary, meıramhana jáne de emdeý saýyqtyrý ortalyqtarynyń ókilderi qatysty dep jazady Qamshy.kz aqparat agenttigi. 

Aıta keteıik, budan buryn «Sıfrly Qazaqstan» baǵdarlamasynyń aıasynda oblysta «Taraz Tour» mobıldi qosymshasy iske qosylǵan bolatyn. Mobıldi qosymsha ústeme shynaıylyq elementterin quraıtyn bes tildegi aýdıo jáne mátindik aqparattan turady. Búginde oblystyń 33 iri týrısik nysandaryna QR kodtary ornatyldy. Nátıjesinde kez-kelgen týrıs tarıhı oryn jaıynda tolyq aqparat alatyn jaǵdaıǵa jetti. Endigi kezek, jan-jaqty qamtylǵan mobıldi qosymshaǵa óńirdegi barlyq týrısik qyzmet kórsetý oryndaryn engizý. Atalmysh oqytý semınary osy maqsatta ótkizilip otyr.

Mobıldi qosymsha tek týrıser úshin ǵana emes, sonymen qatar týrısik fırmalar, qonaq-úıler men meıramhana jáne de emdeý saýyqtyrý ortalyqtaryna da ońtaıly. Qyzmet kórsetýshi mekemesi jaıynda tolyq aqparatty qosymshaǵa júkteı otyryp, týrıserdi tartýyna mol múmkindik alady.

«Taraz Tour» - bul aımaqtyń týrısik obekt týraly jyldam aqparat berý maqsatynda mobıldi qurylǵylarǵa arnalǵan, týrısik oryndardy kópshilikke taratý úshin yńǵaıly bolatyn quramynda birneshe qyzmet túri engizilgen biregeı mobıldi qosymsha. «Taraz Tour» mobıldi qosymshasyn qoldaný úshin Google usynǵan Rlay market nemese Appstore qoldanbalar dúkeninen «Taraz Tour» qosymshasyn júkteý qajet. «Taraz Tour» qosymshasyn júktep alǵan soń, mobıldi telefon kamerasyn arnaıy ornatylǵan QR-kodqa jaqyndatý arqyly berilgen oblystyq tarıhı-mádenı jáne týrısik oryn týraly tolyq aqparat alýǵa bolady. Mobıldi qosymsha ústeme shynaıylyq elementterin quraıtyn bes tilde aýdıo jáne mátindik aqparattan turady.

Qosymsha tarıhı personajdar stılinde ústemeli shynaıylyqtyń kómegimen aqparatty qabyldaýdy jaqsartý, Jambyl oblysynyń sakraldy oryndarynda «Turǵan áserdi» beretin jáne vırtýaldy shynaıylylyqty jasaıtyn 360 gradýsty vıdeorolıkter, ınternet jelisi joq jerlerde de qosymshamen qoldanýǵa múmkindik beretin tártip, týrısik gıd jáne obektige kelýshilerdiń sany týraly tolyq analıtıka bar bes negizgi komponentten turady.
Qazirgi kezde Jambyl oblysynyń 33 týrısik nysanyna, ár nysannyń kire beris shetine bıiktigi 1 m. eni 70 sm. bolatyn mramor tasyna berilgen týrısik nysan týraly aqparat engizilgen QR-kod ornatyldy.