Álemniń 63 memleketinen kelgen 1300-den astam qatysýshy jeńisti qoldan bermes úshin kúresti.

Jarys qorytyndysy boıynsha Semeıdegi elektrotehnıkalyq kolejdiń stýdenti Álı Áskerhanov Juniorskills WordSkills Kazan 2019 chempıonatynda "Pılotsyz avıasıalyq júıeni basqarý" atalymyn utyp aldy. Al Semeıdegi elektrotehnıkalyq kolejdiń stýdentteri Isajan Raısov pen Aleksandr Betsold baıqaýda mehatronıkany jetik meńgergenderin kórsetip, "Medallion for Excellence” jáne “Best of national” medalimen marapattaldy.

Osylaısha, komanda qatysýshylarynyń eńbegimen chempıonattyń tóreshileri bizdiń jerlesterimizge joǵary baǵa berdi. Sóıtip jalpykomandalyq esepte Qazaqstan quramasy 14 oryndy ıelendi.

2017 jyly Abý-Dabıde ótken álemdik chempıonatta qazaqstandyqtar 24-i oryndy ıelengen bolatyn. Al osy jolǵy chempıonatta bizdiń quramanyń músheleri daıyndyqtarynyń myqty ekenin kórsetip, aldyńǵy qatardan kórindi.