Jarys jas erekshelikterine qaraı tórtke bólindi. Iaǵnı, er balalar jáne qyzdar, jasóspirimder, sondaı-aq, eresekter arasynda ótti. Qalalyq dene shynyqtyrý jáne sport bóliminiń basshysy Nurbek Ahmedıarovtyń aıtýynsha, velokros jarystaryn aldaǵy ýaqytta dástúrli túrde ótkizip turý qolǵa alynady.

– Jyl basynan beri oblystyq velosport federasıasymen birlesip jumys jasap kelemiz. Velosport túrinen Nur-Sultan qalasynan óńirimizge maman kelip, jumysyn júrgizip jatyr. Federasıa jáne jergilikti búdjetten velosportqa kerekti qural-jabdyqtar alyndy. Atyraýda tek qana velokrostan emes, basqa da velosport túrlerinen jarystar ótkizip turamyz, – deıdi Nurbek Ahmedıarov.

Jarystyń qorytyndysy boıynsha, 2005-2007 jylǵy er balalar arasynda Trofım Týryjnıkov esimdi jasóspirim jeńiske jetti. Al, 2001-2007 jylǵy qyzdar arasynda Ekaterına Lomovseva birinshi oryndy ıelendi.

Sonymen qatar, 2001-2004 jylǵylar arasynda Nıkıta Bezrýchko birinshi márege jetse, 2002 jylǵy jáne odan joǵary eresekter arasynda Artem Dygın chempıon atandy. 

Saıystaǵay eń jas qatysýshy 2014 jylǵy Baıtas Amanjol bolsa, eń eresek qatysýshy 1989 jylǵy Samat Zalıpov boldy.